الرتابة والروتين تُذهبان روعة الحياة الزوجية

الفتور الجنسي معناه وأسباب عدم الرغبة بالجنس عند النساء والرجال وعلاجه

معنى الفتور الجنسي وأسباب البرود الجنسي المفاجئ و عدم الرغبة بالجماع

موضوعنا اليوم عن الفتور في العلاقة الحميمة ، اللي المفروض إنها المياه اللي تزرع الحياه بين الزوجين لما تجف الحياه دي تموت ، لازم نعرف هنا إيه هو السبب في الفتور ده ، وليه أصلا يحدث فتور ، وهل هو اكتر عند الراجل ولا الست ولا الاثنين ، و مين بيكون السبب فيه وزاي نعالجه ، و أزاي يبقي عندنا وقاية منه انه ما يحصل، والفتور ده موجود ع طول ولا في أوقات معينه يحصل فيها فتور ، مثلا البعد أو السفر ، هل الصيام ليه دخل ف ده ولا لا، ده نناقشه معاكم بطريقه بسيطه ومبسطه إلى حد كبير عشان نقدر نتفادى الفتور ونعيش حياه سعيده ونتمتع بالحلال اللي ربنا جعله لينا خير زاد .

ما هو الفتور الجنسي :

الفتور يعني الملل والبرود يعني موت المشاعر الجياشة اللي بتخلي العلاقة ليها مذاقها الخاص يعني خلاص لا يوجد اشتياق، يعني التعود والزهق عدم التجديد نفس الطعم ونفس الريحة نفس الشكل واللون، الفتور يعني الموت البطيء، الجهاز الطبي اللب بتركبه عشان نحافظ ع العمر الباقي من غير شعور أو إحساس وحب فالحياه الفتور هو الموت البطيء بمرض تخلل خلايا الجسم كلها لحد ما قتل الإحساس اللي جوانا الفتور يعني الأرض البور اللي مهما زرعتها هيا نشفت وجلدت من كثرة البرود، مش هلاقي تعبير أوضح من كدا ولا نجد وصف جواكم أقرب من ذلك ، للسبب ده قررت البعد عن الكلام الكبير اللي مش مفهوم و حبيت أتكلم الكلام اللي تفهموه من غير ما تترجموه، الكلام المبسط لكي يصل للقلب ويقتنع بيه العقل .

ما هي أسباب الفتور الجنسي في حياتنا ؟

الرتابة والروتين تُذهبان روعة الحياة الزوجية
الرتابة والروتين تُذهبان روعة الحياة الزوجية

الملل
التعود
الروتين
الأطفال
العبء المادي
المسئولية
التحامل
التواكل
مرآة الحق
المثالية المفرطة
الكذب
الخيانة
التمثيل
عدم الأمانة
الجهل

الملل بشوف نفس الشخص كل يوم وشي في وشه وبنام جنبه خلاص أتعودت عليه، مش بحس بيه خلاص كأنه اخويا أبويا ،كأنها أختي أمي، خلاص في ملل وزهق ، ده غير المشاكل اللي في البيت ومشاكل العائلة امك وأبوك وأختك وأخوك، الحياه بقت ممله لا يوجد أشتياق وأصبح يوجد فتور بين الطرفين بشكل كبير .

التعود فقد وصلنا أننا حفظنا ، بعض أتعودنا على بعض، مافيش جديد ، اللذة التي كانت تجعل من هما محاربين لكي يحصلوا على بعضهم اختفت، عشان أمارس معاها علاقة هو هو نفس البوسة والحضن نفس الكلام البارد الذي تحول لتسجيل صوتي، تعودوا عليه وعلى طريقته لا يوجد جديد، أصبح القلب رافض والعقل يتجاهل لا يوجد حافز الذي يجعل من هم مشتاقين للعلاقة معاه .

الروتين ، الحياه روتينيه جدا مافيش أي تجديد ، اللي نبات فيه نصبح فيه ، كل كلمنا عن المدارس والمصاريف والأولاد والعيد ولبس العيد والمدرس والمدرسة ، أصبح أكبر همومنا ناكل إيه نفطر إيه ، عازمين مين على الغدا ، هات فلوس هات نجيب ، مافيش ثقافات مافيش حد احس إنه نازل لعقليتي أو مدركها مافيش هات وخذ فالكلام بعيد عن البيت وتنظيفه بعيد عن الأكل والشرب بعيد عن المدارس ومتطلبتها أصبحت حياتنا مبنيه ع عاتق المسئولية ونسينا خالص أننا عمودين رئيسين فالمسئولية دي وعشان نكملها صح لازم نعيشها صح. ده غير الحمل والولادة عيل ف 2 ف 3 و هم لم يكملوا 5 سنوات من الزواج، بجانب متطلبات الزواج والأولاد الصغار من بامبيرز للدكتور ، نسوا انهم ضيعوا احلي سنين عمرهم، لا يوجد وقت لكي يهتم أحد منهم بالآخر .

الفلوس ، الحياه الحلوة بالفلوس ، نرتاح ونعيش كويس محتاجين فلوس شغله أو أثنين عشان محتاجين فلوس هنتغرب عشان الفلوس، هتشتغلي و تساعديني عشان الفلوس الأولاد والمدارس والمصاريف، أصبح في عبئ مادي تقيل على كتف الراجل والست، ويبدأ الفكر يعمل صداع والعقل بدأ يعطي اشارات لوم للراجل و للست ، ليه أتجوزت بدري وشيلت الهم أو ليه أتجوزت عن حب ولم أنتظر شخص غني يسعدني ، إذا جاء الفقر من الباب هرب الحب من الشباك ، ولو الهموم ذادت أصبح السعادة الزوجية انتهت .

التحامل و التواكل كل منا يرمي حموله على الأخر و يتواكل على الآخر، دائما ما يوجد الطرف المظلوم اللي يعمل كل حاجه و يشيل الهم ، ومش بس واللوم كمان إنه مقصر في حق الآخر، وده طبعاً سبب رئيسي ومهم لوجود الفتور ، بسبب هذا الحمل الكبير على كتف أحدهما فكل شيء يتعب نفسيا وجسدياً و أصبحت الرغبة غير موجودة في ممارسه أي علاقة و يبدأ في حصل الفتور، بعد الجواز بفتره قصيره مش كبيره يرى الطرف الثاني بعين الحق ، خلاص مافيش الحياه الوهمية اللي كنت رسمها قبل الجواز كل حاجه بانت ووضحت .

المثالية ، الحياه المثالية بزيادة ، كون أن تكون الحياه مثاليه ده بيكون سبب أن الراجل يريد أم وزوجة وخدامه و امرأة جميلة بليل ، من غير أعباء من غير أزاي من غير مشاكل من غير ما تطلب فلوس ،أما الست تريد زوج مثالي مهتم ب بيته وأولاده ويكون ملتزم دينا وخلقا ومجنون ومحترم ومش بتاع بنات ، كل ده اسمه مثاليه زايده وتؤدي للروتين بدرجة كبيرة .

الكذب ، المشاكل الأكبر التي تصنع الفتور الكذب أصبحنا كذابين في مشاعرنا وبنضحك على بعض، الراجل فقد الصراحة اللي تخليه سعيد أصبح دائما يكذب ويحور والست بقه عندها ملل في مناقشته وإنها تحاوروه فالكذب خلي في بُعد وعدم ثقة، وبالتالي ظهر الفتور وأيضا يؤدي إلي الخيانة، كل واحد يجد نفسه مع شخص آخر ، تظهر مشاعر ماتت التي كانت تؤدي إلى الانجذاب بين الزوجين ، نمثل ع بعض عشان الحياه تمشي وكل حد في حياته نمثل أننا مبسوطين ونمثل أننا اسعد زوجين لحد ما يزيد الفتور والحياه كلها تبقي مملة وليس لها طعم، وكل ما الفتور يزيد نخون بعض ونحس بعدم الأمان، وكل واحد منهما يعطي لنفسه مبرر أخفاء الكثير من الأسرار عن الآخر، لا يوجد ثقة ولا حب ولا أمان من ملل الحياه، كل ده سببه الجهل بالطرف الأخر، الجهل بان لينا حياه وسمات مختلفه التركيبة مختلفه عن بعض ، الذكورية غير عناصر الأنوثة ، جهلنا بالمعايير الأخرى سببت في وجود الفتور فالحياه .

أسباب و علاج الفتور الجنسي عند الرجل :

الجماع وعدم الرغبة عند الرجال
الجماع وعدم الرغبة عند الرجال

 

الفتور عند الراجل اقل نسبيا من عند الست طيب ليه وصول الراجل للنشوه أسهل من الست طيب ليه طالما كدا الراجل بيحس بالفتور ، لان الراجل بيحب الجنس اكتر من الست و بيعلم نفسه الثقافة الجنسية غلط، الراجل بتجوز ست بيحبها وييكون معجب بها عاوز يملكها ويأخذها ويعيش معاها ويفضل راسم فخياله أفلام الإباحية وان ده بالنسبة له العلاقة مش عنده الوعي والثقافة ، أزاي يعيش ده مع زوجته حلاله بطريقه جميله وممتعه ويبدأ بالإحساس بأن العلاقة غير ممتعه وان الأفلام الإباحية ممتعه اكتر ، تخلص من أعباءك وأحزانك خارج المنزل، وعندما تعود للمنزل تارك كل المشاكل فان تحس بعدم الرغبة، أفهم زوجتك جيداً، طريقك للسعادة في فهم طرفك الثاني، ما تحب وما تكره، عامل الأنثى كأنها طفلتك فسوف تعيش بسعادة لفترة كبيرة .

أسباب عدم الرغبة بالجنس عند المرأة وعلاجها :

الفتور الجنسي عن النساء
الفتور الجنسي عن النساء

أما المرأة يلعب خيالها الدور الأكبر فالحياه الزوجية وتفضل ترسم حاجات خياليه مش واقعيه تتجوز تتصدم بالواقع، معظم الستات الجداد فالجواز لم يشعروا بالمتعة الجنسية، ولم يوصلوا للنشوة المطلوبة مثل الرجل، وذلك بسبب تدخل حالتهم النفسية والخيال والرومانسية أكثر لتذاد تلك الرغبة، لدرجة الوصول لكره كبير للعلاقة الجنسية ، علاج تلك المشكلة علميا هو فصل تام للعلاقة عن مشاكل ومتاعب الحياة فهي المؤثر الأساسي لعدم الرغبة .

ثانيا تعلمي، تعم أدرسي نفسك وثقفي نفسك جنسياً، يوجد المئات من المقالات العلمية التي تثقفك جنسيا ، تعلمك الكثير عن الأماكن الأنثوية وأماكن الأثارة، وكيف تحافظي على رغبة الجنسية لفترة كبيرة، يوجد الكثير من المشروبات التي تحفز هرمونات الأنوثة بداخل وتزيدها مثل اليانسون، فهو من أهم المشروبات التي تقوي جهازك المناعي وتزيد هرموناتك الأنثوية بداخلك .

عليك بترك المشاكل الأسرية خارج علاقتك مع زوجك، مشاكل مع حماتك ليست آخر العالم، فهي أم أيضا، تحاول استرجاع ما كانت تملكه، وهو ابنها، تفهمي حالتها ، وإن كانت هي قاسية فتجنبيها وابتعدي عنها، ولا تضعي نفسك في مقارنة مع والدته ، تعلمي أن تكوني واسعة الأفق، وأن لا تحشري زوجك في الوسط .

Post Author: samia magdy

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.